Posted by WWW.IPNU-IPPNU-JOHO.COM on Jumat, 05 April 2013
صَلَاةُ اللهْ
سَلَامُ الله # عَلَى طٰهٰ رَسُوْلِ الله
صَلَاةُ اللهْ
سَلَامُ الله # عَلَى يٰسۤ حَبِيْبِ الله
تَوَسَّلْنَا بِبِسْمِ اللهْ # وَبِا
لْهَادِى رَسُوْلِ الله
وَكُلِّ مُجَاهِدِ لِّلّٰه # بِاَهْلِ الْبَدْرِ يَا الله
Marang pangeran kang pinuji
Ngaturaken sekabehe puji
Marang pangeran kang moho suci
Monggo nyuwun ihlase ati
Sugih lan mlarat karek nglakoni
Sing penting iman neng jero ati
Kudu dijogo sampek mati
Urip neng dunyo ojo ngongso
Kabeh kuwi ono sing noto
Urip neng dunyo jo gambang ngresulo
Opo maneh pas atine gelo
Urip neng dunyo kuwi cobo
Sing kuat cobo sing nduwe roso
Roso sukur marang kang kuoso
Akeh wong ngaji mung dirungokne
Teko ngomah ora diamalne
Akeh wong ngaji mung ngobrol dewe
Kadang malah ngrasani tonggone
Budal ko ngomah ketoke ngaji
Teko enggen gur ngrasani
Nek ngunu kui ndang ditaubati
Opo ora wedi sekso yen wis mati
Kelawan pangeran kang moho ghofur
Monggo nyuwun barokahe umur
Pas ati sumpek ojo sampek nglantur
Kabeh kuwi ono sing ngatur
Rohmate Allah tanpo tinukur
Subhanallah jo nganti kufur
Sholat wajibe kudu teratur
Ojo nganti diundur-undur
Urip sepisan jo salah langkah
Ojo lali sholawatan nariyah
Urip sepisan jo gambang gersah
Opo maneh pas wektu susah
Sugih lan mlarat kabeh iso susah
Mergo iku adile gusti Allah
Yen dulur ngelah sing penting ngalah
Mergo iku dadi ngibadah
Mangan harom dadi petenge ati
Mangan halal dadi padange ati
Penggawean harom dadi kotore ati
Penggawean halal dadi padange ati
Nek ono bocah angel dituturi
Kadang mergo panganan sing dipangani
Panganan harom sing dipangani
Sahinggo ati angel dituturi
